Liga e Parë e Kosovës në futboll, do të vazhdojë me ndeshjet e xhiros së gjashtë që do të zhvillohen përgjatë tri ditëve.
Federata e Futbollit të Kosovës (FFK), të enjten ka publikuar orarin e ndeshjeve, të cilat do të zhvillohen të shtunën, të dielën dhe të hënën.
Ditën e shtunë, janë në program shtatë ndeshje, të cilat do të startojnë nga ora 16:00.
Në këto duele, do të përballen: Rilindja 1974 – Vjosa, 2 Korriku – Liria, Dinamo – Suhareka, Ramiz Sadiku – Prishtina e Re, Mitrovica – Besa, Kika – Lepenci dhe Istogu – Trepça ’89.
Ndërkohë, të dielën dhe të hënën, do të luhet vetëm nga një ndeshje, që gjithashtu do të nisin nga ora 16:00.
Të dielën është përballja ndërmjet Vëllaznimit e Ferizajt në Gjakovë, ndërsa xhiro e gjashtë do të mbyllet me duelin Trepça – Tefik Çanga që zhvillohet në Skenderaj.
