Sulmuesi Robert Lewandowski do të jetë pjesë e skuadrës së Barcelonës edhe pas përfundimit të edicionit aktual. Në fakt, Lewa do të mbetet te Barcelona deri në fund të kontratës së tij, e cila i skadon në verën e vitit 2026.
“Mundo Deportivo” shkruan të hënën, se te Barcelona kanë vendosur ta mbajnë sulmuesin polak pasi janë të kënaqur me paraqitjet e tij.
35-vjeçari ka shënuar 14 gola në 31 paraqitje për ekipin spanjoll këtë edicion në të gjitha garat. Ai është pjesë e Barcelonës prej vitit 2022, ndërsa ka luajtur edhe te Bayern Munichu e Borussia Dortmundi.
