Bayer Leverkuseni ka siguruar shërbimet e mesfushorit ofensiv nga Argjentina, Claudio Echeverri.
Bëhet e ditur se Leverkuseni ka arritur marrëveshje me Manchester Cityn për 19-vjeçarin, i cili kërkohej edhe nga skuadra e Borussia Dortmundit.
Në fakt, Leverkuseni do ta huazojë për një vit argjentinasin Echeverri dhe nuk do ta ketë opsionin e blerjes por vetëm huazim të thjeshtë, që do të zyrtarizohet brenda kësaj jave.
Talenti Echeverri vitin e shkuar iu bashkua Manchester Cityt nga River Plate dhe ekipi anglez ka vendosur ta huazojë te skuadra e Bundesligës për të krijuar përvojë.
Echeverri ka kontratë me Manchester Cityn deri në verën e vitit 2028.
