Bayer Leverkuseni nuk ka të ndalur, pasi formën e mirë e ka vazhduar edhe në gjysmëfinalen e Ligës së Evropës.
Në ndeshjen e parë të kësaj gare, Leverkuseni triumfoi në udhëtim te Roma me rezultatin 2:0, të enjten mbrëma.
Me këtë triumf, Leverkuseni ka bërë një hap të rëndësishëm drejt kalimit në finale, pasi ndeshjen e kthimit me Romën e luan javën e ardshme në Gjermani.
Florian Wirtz (28’) e Robert Andrich (73’) shënuan golat për ekipin gjerman. Granit Xhaka ishte i pazëvendësueshëm tek Leverkuseni, ndërsa u ndëshkua me karton të verdhë.
Ndërkohë, në gjysmëfinalen tjetër të kësaj gare, Atalanta ka luajtur 1:1 në udhëtim te skuadra e Marseillet.
Gianluca Scamacca (11’) e kaloi Atalantan në epërsi, përpara se Chancel Mbemba (20’) të barazoj shifrat.
Tek Atalanta gjatë tërë ndeshjes u aktivizua mbrojtësi i Shqipërisë, Berat Gjimshiti. Dueli i kthimit mes këtyre dy skuadrave luhet javën tjetër në Itali.
