Një rast i pazakontë ka ndodhur në ndeshje ne dytë gjysmëfinale të play-offit në Superligën e Kosovës në basketboll mes Sigal Prishtinës dhe Trepçës.
Gjyqtari Xhelal Mumuni që ishte caktuar të ndante drejtësinë së bashku me dy gjyqtarët e huaj ka pësuar një lëndim dhe është larguar nga parketi.
Kur kishin mbetur pak më shumë se tre minuta lojë, Mumini pësoi një lëndim të këmbës pas një përplasjeje të rastësishme me një lojtar të Trepçës nën koshin e Prishtinës.
Pasi iu dha ndihma e nevojshme mjekësore dhe ndeshja u ndërpre për disa minuta, Mumini u largua në drejtim të zhveshtores me ndihmën e mjekëve të klubeve.
Pas largimit të Muminit, ndeshja mes Prishtinës dhe Trepçës po vazhdon, ndërsa drejtësinë po e ndajnë dy gjyqtarët e huaj – Andris Aunkrogers dhe Marius Ciulin.
Dueli mes Prishtinës dhe Trepçës po zhvillohet në kryeqytet dhe skuadra nga Mitrovica është në avantazh 1:0 në këtë seri gjysmëfinale.
Pas dy çerekëve në ndeshjen e dytë, rezultati aktual mes Prishtinës dhe Trepçës është 48:40 në favor të ekipit nga kryeqyteti.
Pas pushimit prej dhjetë minutash, gjyqtari Mumini është rikuperuar nga lëndimi dhe i është bashkuar dyshes së gjyqtarëve të huaj për ta përfunduar ndeshjen.
