Bashkimi ka avancuar në serinë finale të “play-offit” në Superligën e Kosovës në basketboll, pasi të mërkurën mbrëma eliminoi Borën në gjysmëfinale.
Bashkimi fitoi serinë gjysmëfinale me rezultatin e përgjithshëm 3:2, ndërsa ndër më të merituarit për fitoren në duelin e pestë ishte Lejson Zeqiri.
Në fakt, Zeqiri edhe u shpall “MVP” i publikut nga ndjekësit e rrjeteve sociale të FBK-së, të enjten, një ditë pas triumfit ndaj Borës.
Zeqiri në fitoren e Bashkimit me shifrat 100:76 kontribuoi me 23 pikë, 6 kërcime e 2 asistime për gati 34 minuta lojë në parket.
Në të vërtetë, Zeqiri këtë sezon ishte ndër lojtarët më të dalluar te Bashkimit pasi po luan me një mesatare prej 15 pikëve, 7 kërcimeve dhe 2 asistimeve për ndeshje.
Në serinë finale të”play-offit”, Bashkimi do të përballet me Trepçën kurse kampioni i këtij sezoni do të shpallet ekipi me katër ndeshje të fituara.
