Skuadra e Leipzigut pritet ta mbajë mesfushorin Brajan Gruda edhe pas përfundimit të sezonit aktual, kanë raportuar mediumet në Gjermani.
Mësohet se Leipzigu po kërkon mënyra që Gruda të jetë pjesë e ekipit edhe pasi t’i përfundojë huazimi nga Brightoni në verë.
21-vjeçari në fillim të këtij viti u huazua te Leipzigu deri në fund të sezonit, me opsionin e blerjes për 30 milionë euro.
Megjithatë, Leipzigu po synon të paktën ta huazojë Grudën edhe për sezonin e ardhshëm, me synimin që ta bëjë transferim të përhershëm në verën e vitit 2027.
Gruda ka kontratë me Brightonin deri në vitin 2028 dhe me fanellën e Leipzigut ka shënuar 3 gola dhe ka bërë po aq asistime në 11 paraqitje në Bundesligë.
Në total, Gruda ka 6 gola e 6 asistime në 32 ndeshje tëluajtura në të gjitha garat për Brightonin dhe Leipzigun.
