Legjenda e Chelseat, Gianfranco Zola, ka shprehur admirimin e tij për trajnerin Enzo Maresca, duke e cilësuar si një “trajner serioz” që ka ndërtuar një “identitet të qartë, të pasur dhe të veçantë” edhe pse po drejton një skuadër të re dhe ambicioze.
Në një intervistë për The Times, Zola theksoi përvojën fituese të Marescës dhe potencialin e tij për t’u zhvilluar më tej si trajner.
“Jam vërtet i impresionuar me Marescën… Pavarësisht moshës së tij të re dhe një ekipi të madh me shumë lojtarë të shkëlqyer, ai ka arritur të krijojë një identitet të qartë, të pasur dhe të dallueshëm”, tha Zola.
Chelsea kërkon të vazhdojë ritmin pozitiv në Ligën e Kampionëve përballë Atalantës, pas një barazimi pa gola ndaj Bournemouth dhe humbjes 3-1 nga Leeds, duke u rikthyer pas fitores ndaj Barcelonës dhe paraqitjes së fortë kundër Arsenalit.
