Lidhja Demokratike e Kosovës ka thënë se për tri vjet partia në pushtet ka shkelur katër herë Kushtetutën e Kosovës.
Ata kanë listuar disa nga shkeljet që sipas tyre, i kanë bërë ministrat e qeverisë aktuale.
Shkelja e parë e qeverie sipas tyre, ishte kur ministrja e Arsimit, Arbërie Nagavci kishte ndërhyrë në kompetencat e Komunës së Kamenicës për reformën në arsim.
Pas kësaj, sipas LDK-së, Ligji për Këshillin Prokurorial i cili u hartua nga ministrja e Drejtësisë Albulena Haxhiu paraqet shkeljen e dyte kushtetuese.
Shkelja e tretë sipas LDK-së, është pezullimi i vendimeve të Komunës së Prishtinës.
Dhe e katërta është shkarkimi i tetë anëtarëve të bordit të RTK-së.
“Këto shkelje tregojnë më së miri mospërkushtimin e kësaj Qeverie për shtetin e së drejtës”, thuhet në reagimin e LDK-së.
