Grupi paralamnetar i Lidhjes Demokratike të Kosovës, ka lëshuar seancën e sotme në Kuvend.
E ky vendim sipas deputetit të LDK-së, Arben Gashi, erdhi pasi ministri i Financave, Hekuran Murati, po tenton me çdo kusht ta marrë buxhetin e komunave, derisa e cilësoi si sjellje të papërgjegjshme e paaftësi të tij, raporton teve1.info.
“Në emër të grupit parlamentar, duhet të deklaroj se sjellja e papërgjegjshme e ministrit të Financave, Hekuran Murati, duke tentuar me çdo kusht të marrë buxhetin e komunave, na pamundëson neve që të jemi konstruktiv në seancat e Kuvendit. Prandaj, paaftësia e tij, na ka sjellë në një situatë që të refuzojmë edhe komunikimin me të. Prej sot, grupi parlamentar i LDK-së, deklaron se nuk merr pjesë në asnjë votim në seancë, nuk merr pjesë në votim të marrëveshjeve ndërkombëtare, nuk merr pjesë në votim në komisione. Prandaj, ne si grup parlamentarë për sot e lëshojmë seancën dhe në vazhdim nuk do të marrim pjesë në votimin e asnjërës nga institucionet”, deklaroi deputeti Gashi para deputetëve në Kuvend./teve1.info/.
