Qeveria në detyrë është kritikuar nga LDK-ja lidhur me përgatitjet për fillimin e vitit të ri shkollor.
Deputetja Jehona Lushaku-Sadriu thotë se 1 shtatori e ka zënë Kosovën të papërgatitur.
“Ne kemi fëmijët që shkojnë kryesisht në ambiente të papërshtatshme me kushte minimaliste. I gjen pa paga dinjitare dhe me kushte të vështirësuara pune. Nuk kanë mjete digjitale e as kurrikulë digjitale”, ka deklaruar Lushaku-Sadriu.
Përveç kësaj, ajo potencoi se edhe prindërit kanë hasur në vështirësi për sigurimin e teksteve shkollore.
“Prindërit sot nuk i kanë marrë subvencionet për shkak të teknikaliteteve që i ka vendosur Ministria. Kosto e librave sot është shumë më e lartë sesa t’i siguronte vetë ministria”, ka thënë ajo.
