I dërguari amerikan për Ballkanin Perëndimor, Gabriel Escobar dhe i dërguari i posaçëm i Bashkimit Evropian për dialogun mes Kosovës dhe Serbisë, Mirosllav Lajçak, pritet të vizitojnë këtë javë Prishtinën dhe Beogradin.
Lajmin për këtë takimin e tyre me LDK-në e ka konfirmuar anëtari i Kryesisë së LDK-së, Xhafer Tahiri.
“Po, do të ketë një darkë. Por, do të ketë edhe takime tjera”, tha shkurtimisht për Tëvë1 Tahiri.
“LDK mirëpret angazhimin e BE-së dhe përfshirjen e ShBA-ve në dialog,” tha më tej ai.
Temë e këtij takimi pritet të jetë arritja e një zgjidhje për tejkalimin e tensioneve në veri të Kosovës si dhe për çështjen e targave të veturave dhe dokumentet serbe.
Në takimin e fundit të nivelit të lartë në Bruksel, që është mbajtur më 18 gusht, kryeministri i Kosovës, Albin Kurti dhe presidenti i Serbisë, Aleksandar Vuçiq, nuk kanë arritur marrëveshje për këto çështje./Teve1.info/
