Mesfushori i Kombëtares së Kosovës, Muharrem Jashari pritet të ndërroj skuadrës gjatë këtij afati kalimtar.
Jashari pritet të largohet nga Cherkasy i Ukrainës për ta vazhduar karrierën në Austri, saktësisht te LASK Linz.
Raportohet se skuadra austriake po synon transferimin e Jasharit, i cili para një viti u transferua në Ukrainë nga Drita e Gjilanit dhe ka kontratë me Cherkasyn deri në dhjetor të vitit 2026.
26-vjeçari ka shkëlqyer në Ukrainë, ku edhe është zgjedhur lojtari më i mirë i sezonit vjeshtor te Cherkasy, duke shënuar 4 gola dhe asistuar 5 herë në 18 ndeshje të luajtura në të gjitha garat.
LASK Linz po e sheh Jasharin si përforcim për mesfushën dhe po dëshiron ta bëjë bashkëlojtar me Valon Berishën, i cili po ashtu është pjesë e Kombëtares së Kosovës.
Vlera e Jasharit aktualisht është rreth 1 milion euro.
