Janë larguar shitësit ilegal afër stacionit të trenit në Prishtinë, raporton teve1.info
Kryetari i Komunës së Prishtinës, Përparim Rama, tha se hapësira e zënë nga shitësit ilegal është planifikuar të shndërrohet në hapësirë të gjelbëruar.
“Institucionet e kryeqytetit po vazhdojnë me lirimin e hapësirave publike të uzurpuara në kryeqytet, po lirohen hapësirat në afërsi të stacionit të trenit ku për vite të tëra ishin të vendosur ilegalisht shitësit e materialeve të ndryshme ndërtimore bashkë me mjetet e tyre”, ka thënë ndër të tjera Rama.
Sipas tij, hapësira publike e liruar e cila kap sipërfaqen e rreth gjysmë hektari, planifikohet të pastrohet nga masivi i mbeturinave inerte dhe mbeturinave të tjera dhe të shndërrohet në hapësirë të gjelbëruar.
Rama u zotua se në kryeqytet nuk do të ketë asnjë lloj veprimtarie ilegale dhe fokus do të kenë hapësirat e gjelbra.
