Kjo fushatë është organizuar nga Instituti “Clard” dhe Instituti i Kosovës për Drejtësi (IKD), e cila është mbajtur në krejt komunat e Kosovës.
Anton Nrecaj nga Instituti “Clard”, tha se në të gjitha komunat kanë bërë shpërndarjen e broshurave informuese, por edhe do të mbajnë ligjërata në shkolla.
“Ky projekt ka pasur dy komponentë kryesore, e para është kundër dhunës në familje dhe ngacmimeve seksuale dhe komponentin e dytë është ligjërata nëpër shkolla”.
“Në kuadër të kësaj komponentë kemi shkuar në të gjitha komunat e Kosovës, duke shpërndarë broshura e duke i informuar qytetarët”, tha Nrecaj.
Ehat Miftaraj nga IKD, tha se qytetarët do të njoftohen lidhur me të drejtat e tyre që u garanton Kushtetuta.
“Qëllimi i kampanjës ka qenë kryesisht informimi i qytetarëve lidhur me të drejtat e tyre që u garanton Kushtetuta në lidhur me dhunën në familje”, tha Miftaraj./EO/
