Zëvendësambasadori i Holandës, Ronald Goldberg si dhe përfaqësuesi regjional për ekonomi dhe tregti në Ambasadën Holandeze në Maqedoninë veriore, Ivan Iliev, kanë vizituar sot Doganën e Kosovës.
Përmes një njoftimi në Facebook nga Dogana e Kosovës, kanë njoftuar se këta të fundit u mirëpritën nga Drejtori i përgjithshëm i Doganës, Agron Llugaliu.
“Prishtinë 8 shkurt 2023, – Doganën e Kosovës sot e ka vizituar zëvendës ambasadori i Holandës z. Ronald Goldberg si dhe z. Ivan Iliev (përfaqësuesi regjional për ekonomi dhe tregti në Ambasadën Holandeze në Maqedoninë veriore) të cilët u mirëpritën nga Drejtori i përgjithshëm i Doganës z. Agron Llugaliu”, thuhet në njoftimin e tyre.
Derisa, Llugaliu ka njoftuar të pranishmit lidhur me zhvillimet e fundit në Doganën e Kosovës, derisa ka vendosur theksin në zbatimin e ligjit si dhe avancimet teknologjike të saj.
“Gjatë këtij takimi është diskutuar në lidhje me rëndësinë e efikasitetit të Doganës, duke filluar nga mbledhja e të hyrave, luftimi i ekonomisë jo-formale dhe avancimi i lehtësirave tregtare”, kanë shkruar tutje ata.
Njëherit, zyrtarët e ambasadës holandeze, kanë vlerësuar progresin dhe kanë ofruar gatishmërinë për bashkëpunim me interes të dyanshëm, e kjo me qëllim që bashkëveprimi i ekonomive të dy vendeve të jetë efikas dhe frytdhënës. /teve1.info/.