Kjo protestë po mbahet pasi që Qeveria e Kosovës është kundër tërheqjes së mjeteve nga Trusti, ndryshe nga opozita dhe qytetarë të shumtë që vazhdimisht po kërkojnë tërheqjen nga Trusti.
“Unë të votova ty, ti votoje trustin”, “Djersa është e jona, lejoni kursimet tona”, “Trusti është i joni jo i Qeverisë”, “Populli po vuan shkaku i çmimeve”, janë disa nga thirrjet e qytetarëve të Kosovës në këtë protestë.
Kësaj proteste i janë bashkangjitur edhe disa deputetë të PDK-së dhe AAK-së.
Ndryshe, në seancën e sotme është diskutuar moslejimi i tërheqjes së 30% të Trustit, ku ministri i Financave, Hekuran Murati ka deklaruar që familjet me asistencë sociale, studentët dhe pensionistët nuk i ndihmonë kjo tërheqje nga Trusti.
