Fadil Bajraktari thotë se mbajtja e mësimit gjatë luftës së fundit në Kosovë pavarësisht rrethanave të vështira ka qenë krenari dhe vullnet.
I ftuar në emisionin “Info Nata” në tëvë1, ai thotë se kishin filluar me mbajtjen e mësimit në mënyrë që sadopak fëmijët t’i shmangeshin “tremave të luftës”.
“Kushtet kanë qenë shumë të vështira, vet fakti që të mbahet mësim në një shkollë najlloni mes maleve në kohë kur pati filluar stina e shirave kuptohet. Mirëpo më shumë se frikë ishte krenari dhe vullnet që fëmijët në ato kushte rrethanat pa imagjinueshme të merrnin mësim sado pak që vëmendja e tyre të largohej nga trema e luftës edhe përveç të gjithë mësimdhënësve fshatarëve, vullneti ka qenë më i madh te fëmijët sepse filloi të krijohej një lloj qendre shkollore aty në kohën e luftës pasi vinin media, gazetarë të ndryshëm jo vetëm shqiptarë por edhe nga mbarë bota edhe tema kryesore ka qenë shkolla mësimi mes nxënësve dhe familjarëve të tyre”, tha ai.
Tutje, Bajraktari rrëfen se si erdhën deri te ideja për krijimin e një shkolle të tillë, duke përmendur se preokupimin e kishin që fëmijët të mos përjetojnë traumat e përditshme nga vrasjet që ndodhnin.
Madje, ai thotë se gjatë kësaj kohe kur zhvillohej mësimi në luftë, disa nxënës kishin mbaruar studimet – për të cilët shton se ishin ndër gjeneratat më të mira.
“Ideja ka qenë në koordinim me fshatarët me ish-luftëtarë të UÇK-së që të krijohet një punë që mund të quhet shkollë pasi që nuk e dinim se do të ketë atë efekt të madh në mënyrë që fëmija mos të përjetojnë traumat e përditshme nga granatimet, vrasjet që ndodhnin nga forcat e armikut dhe për fat të mirë kjo u realizua shumë shpejt… Ndikimi ka qenë shumë i madh te fëmijët sepse gjatë realizmit të dokumentarit pjesa më e madhe e nxënësve kanë mbaruar studimet dmth përveç qëllimit që kishim të mos ndikon tema e luftës ne një mënyrë pa e pasë në qëllim të parë ta brumosim idenë e mësimit dhe sot besoj që ndër gjeneratat më të suskseshme që ka pasur nga themelimi ka qenë ajo gjeneratë”, shtoi ai./teve1.info/