Lidhur me këto ankesa, teve1.info ka kontaktuar me zëdhënësen e KRU “Prishtina”, Arjeta Mjeku. Por, ajo tha se furnizimi me ujë po vazhdon me orare.
Sipas saj, në raste kur uji arrin në katet e poshtme të ndërtesave, duhet lënë krojet të rrjedhin në mënyrë që uji i turbulluar të largohet.
“E kemi lëshu ujin në 17:00, pikat e poshtme sidomos deri në katin e 3 ose 4-të është në një pjesë dërrmuese të Fushë-Kosovës, por uji nuk po arrin te pikat larta në këso rastesh kur s’kanë ujë një kohë të gjatë duhet të lihet që të rrjedhë në krojet e tyre. Duhet lënë të rrjedhë edhe kur ka punime, mungesë të ujit ua kemi cekë me dhjetëra herë ujin duhet me lënë me rrjedhe deri të kthjellet. Nuk është uji i kontaminuar, zalli dhe gypi që ka nejt deri të shpërlahet”, tha ajo.
Madje, Mjeku shton se nuk ka ndonjë problem në furnizimin me ujë për banorët e Fushë-Kosovës.
Sipas njoftimit të KRU Prishtina, në Fushë-Kosovë sot do të ketë furnizim me ujë duke filluar nga ora 17:00-22:00.
Por në një video siguruar nga teve1.info, shihet se ujë nuk ka as në ora 18:52. Videoja është realizuar në një banesë në rrugën “Arbëria” në katin e tretë.
Banorët e kësaj zone thonë se edhe në rastet kur lëshohet uji në periudha shumë të shkurtëra, nuk ka aspak shtypje saqë praktikisht nuk arrijnë ta shfrytëzojnë.
Kujtojmë se si pasojë e reshjeve të dendura të shiut ditët të fundit është turbulluar uji i pijshëm prandaj edhe ka reduktime.