I dërguari i BE-së për dialogun Kosovë-Serbi, Miroslav Lajçak, ka bërë të ditur se në takim me kryeministrin Kurti dhe ambasadorin amerikan është diskutuar edhe propozimi gjashtë pikësh i kryeministrit për Asociacionin, duke mos dhënë detaje.
Ai ka thënë se vizita e tij në Kosovë është në kuadër të përpjekjeve për normalizim të marrëdhënieve ndërmjet dy vendeve në bazë të propozimit evropian dhe për një takim të nivelit të lartë.
“Kjo vizitë është në vazhdën e përpjekjeve për normalizimin e marrëdhënieve ne mes dy shteteve, duke u bazuar ne propozimin evropian. Ne diskutuam për propozimin franko gjerman dhe përgatitjet për një takim te nivelit te lart mes Kurtit dhe Vuçiq”, ka thënë ai raporton teve1.info.
Ai ka bërë të ditur se pas Kosovës do të udhëtojë për në Serbi.
Kryeministri i Kosovës nuk është deklaruar pas takimit e as ambasadori amerikan.
Ai para këtij takimi ka pritur ambasadorët e akredituar në Kosovë, ku sipas Qeverisë temë kryesore ka qenë dialogu, ndërsa që Kurti i ka njoftuar edhe propozimin e tij për Asociacionin./teve1.info/
