Emisari special i BE-së, Miroslav Lajçak ka zhvilluar një takim për më shumë se një orë me zëvendëskryeministrin, Besnik Bislimin, me të cilin tha se folën për gjetjen e një zgjidhje për normalizimin e marrëdhënieve me Serbinë.
Lajçak njofton se më Bislimin u dakorduan se duhet të ketë përshpejtim të zbatimit të marrëveshjeve të arritura deri më tani më Serbinë.
“Vizita e sotme në Kosovës dhe nesër në Beograd, është për të parë se si të gjejmë zgjidhje për normalizimin e marrëdhënieve mes dy vendeve, çfarë hapa konkret duhet të marrim. Dhe u dakorduam që duhet të përshpejtojmë zbatimin e marrëveshjes”, u shpreh ai. /teve1.info/
