Gjatë ditës së djeshme, Lajçak ka zhvilluar takim me kryeministrin e Kosovës, Albin Kurtin.
Lajçak dhe Kurti kanë diskutuar për dialogun Kosovë – Serbi si dhe për marrëveshjen mbi zbatimin e udhërrëfyesit të energjisë sipas marrëveshjeve të vitit 2013 dhe 2015.
Ndërsa, nga Zyra e BE-së në Prishtinë kanë konfirmuar se Lajçaku do të takohet edhe me liderët e partive kryesore opozitare.
“Përfaqësuesi Special i Bashkimit Evropian për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak, do të vizitojë Kosovën nga 27 deri më 29 qershor. Gjatë vizitës së tij Lajçak do të takohet me kryeministrin Albin Kurti, si dhe me liderë të partive kryesore opozitare dhe përfaqësues të bashkësisë ndërkombëtare në Kosovë”, thuhet në njoftim. /teve1.info/
