Emisari i BE-së për dialogun Kosovë-Serbi, Miroslav Lajçak ka njoftuar për takimin e sotëm në Bruksel mes kryenegociatorit serb, Petar Petkovic, dhe përfaqësuesit e Bankës Qendrore të Kosovës.
Lajçak në platformën “X” ka thënë se takimi ishte një hap i parë rëndësishëm, por që sipas tij, shumë pyetje politike kanë mbetur pa përgjigje.
Me ç’rast ai theksoi se do të nevojiten takime shtesë.
“Unë mirëpres angazhimin e palëve për të gjetur një zgjidhje të qëndrueshme për komunitetet e prekura nga rregullorja e fundit e BQK-së. Takimi i sotëm i Dialogut ishte një hap i parë i rëndësishëm, por shumë pyetje politike mbeten pa përgjigje. Do të nevojiten takime shtesë”, ka thënë Lajçak.
Ndryshe, Guvernatori i BQK-së, Ahmet Ismaili pas përfundimit të takimeve në Bruksel ka njoftuar për televizionin TËVË 1 se negocim nuk ka pasur, por ai ka thënë se janë diskutuar modalitetet teknike se si mund ta vazhdojë financimin Serbia./teve1.info./
I welcome the commitment of the Parties to finding a sustainable solution for the communities affected by the recent CBK regulation. Today’s Dialogue meeting was an important first step, but many political questions remain unanswered. Additional meetings will be needed. pic.twitter.com/yhSXZsw8FP
— Miroslav Lajčák (@MiroslavLajcak) February 27, 2024
