Emisari special i Bashkimit Evropian për dialogun Kosovë – Serbi, Miroslav Lajçak, ka folur për takimet e sotme me krerët opozitarë në Kosovë.
Lajçak përmes një postimi në Twitter, ka thënë se liderëve opozitarë u tregoi se Bashkësia Ndërkombëtare do ta vendos dialogun mbi politikën e përditshme.
Ai thotë se krerëve opozitarë kosovarë u ka shpjeguar marrëveshjen si dhe hapat e ardhshëm.
“Në ditën e dytë në Kosovë, u takova me liderët e partive opozitare për të shpjeguar Marrëveshjen, si dhe hapat e ardhshëm. Gjithashtu shpreha pritshmëri të qarta nga Bashkësia Ndërkombëtare për ta vendosur Dialogun mbi politikën e përditshme partiake, veçanërisht në këtë moment kritik”, ka shkruar Lajçak.
Theksojmë se i dërguari special i BE-së për dialogun Kosovë – Serbi, Miroslav Lajçak ka qëndruar dy ditë në Kosovë, ku të enjten u takua me krerët institucional, presidenten e Kosovës, Vjosa Osmani si dhe kryeministrin Albin Kurti.
Ndërkaq, sot (të premten) Lajçak takoi partitë opozitare për të parë qëndrimet e tyre rreth planit evropian për normalizim të marrëdhënieve ndërmjet Kosovës dhe Serbisë.
Ndryshe, të premten Lajçak është nisur për në Beograd ku do të ketë takime dy ditëshe me presidentin serb, Vuçiq. /Teve1.info/
