I dërguari i Bashkimit Evropian për dialogun, Miroslav Lajçak, ka thënë se zbatimi i Marrëveshjes së Ohrit ka qenë temë diskutimi në takimin trepalësh të së enjtes në Bruksel mes kryenegociatorëve të Kosovës dhe Serbisë, Besnik Bislimi dhe Petar Petkoviq.
Lajçak po ashtu, ka bërë të ditur se gjatë takimit kanë diskutuar edhe për një sërë çështjesh tjera të rëndësishme nga marrëveshjet e kaluara si dhe janë pajtuar për hapat e ardhshëm.
“Mirëprita sot në Bruksel kryenegociatorët e Kosovës dhe Serbisë. Folëm për zbatimin e Marrëveshjes së Ohrit, e cila ende nuk ka filluar në thelb. Ne diskutuam gjithashtu një sërë çështjesh të rëndësishme që rrjedhin nga marrëveshjet e kaluara dhe ramë dakord për hapat e ardhshëm”, ka shkruar ai në platformën “X”.
Hosted the Chief negotiators of Kosovo and Serbia in Brussels today. We spoke about the implementation of the Ohrid Agreement, which is yet to start on substance. We also discussed a number of important issues stemming from past agreements and agreed on next steps. pic.twitter.com/ZOpMwjfa1H
— Miroslav Lajčák (@MiroslavLajcak) October 24, 2024
Të enjten në Bruksel kryenegociatori i Kosovës Besnik Bislimi dhe ai i Serbisë, Petar Petkoviq, kanë zhvilluar një takim trepalësh me të dërguarin e Bashkimit Evropian për dialogun, Miroslav Lajçak.
Pas takimit, kryenegociatori i Kosovës, Besnik Bislimi, tha se takimi mes tij dhe homologut serb, Petar Petkoviq, nën ndërmjetësimin e të dërguarit të Bashkimit Evropian, përfundoi pa ndonjë rezultat, sa i përket ecjes përpara drejt normalizmit të raporteve/teve1.info/
