Pas fitores së jashtëzakonshme të martën në Ligën e Kampionëve ndaj Benficas me rezultatin 5:4, Barcelona të dielën i kthehet garë së fortë për titull kampioni në La Liga.
Barçën në shtëpi nga ora 21:00, e pret ndeshje e vështirë ndaj Valencias.
Kjo ndeshje i takon javës së 21-të të kampionatit spanjoll.
Gjiganti katalunas ka 39 pikë në vendin e tretë, shtatë më pak se lideri, Real Madridi.
Reali të shtunën nga ora 21:00 ballafaqohet me Real Valladolidin.
Valladolidi është në pozitën e fundit me 15 pikë dhe po lufton për mbetje në ligë.
Në pozitën e dytë është Atletico Madridi me 44 pikë.
Të shtunën, Atletico përballet me Villarrealin nga ora 16:15.
Skuadra e drejtuar nga trajneri Diego Simeone në fundjavën e kaluar u befasua nga Leganesi dhe pësoi humbje 1:0.
