Grupi Grave Deputete të Kuvendit të Republikës së Kosovës ka thirrur seancë shënjuese me të gjitha ish-deputetet e legjislaturave të mëparshme të Kuvendit të Republikës së Kosovës, me temën “Historia e deputeteve në Kuvendin e Kosovës – përparim dhe proces”, raporton teve1.info
Sipas njoftimit të Kuvendit të Kosovës, kjo seancë do të mbahet me agjendën: Historia e deputeteve në Kuvendin e Kosovës- përparim dhe proces, ku fjalimet hyrëse pritet t’i mbajnë kryeparlamentari Glauk Konjufca dhe Kryetarja e Grupit të Grave Deputete, Tinka Kurti.
Po ashtu, me fjalime kryesore deputeteve pritet t’i drejtohen edhe Albana Gashi – LVV, Flora Brovina – PDK, Besa Gaxherri – LDK, Teuta Haxhiu – AAK, Müfera Srbica-Şinik – Grupi Multietnik.
Seanca pritet të mbahet me fillim nga ora 11:00.
