Kuvendi i Kosovës ka nisur punimet e seancës më një minutë heshtje në nderim të të vdekurve nga tërmeti në Turqi dhe Siri.
Kryetari i Kuvendit të Kosovës, Glauk Konjufca në emër të Kuvendit të Kosovës ka shprehur ngushëllime të gjithë familjeve të vdekurve dhe u ka uruar shërim të shpejtë të lënduarve.
Në përditësimet e fundit është bërë e ditur se mbi 11.200 viktima janë shënuar si pasojë e tërmeteve të fuqishme të 6 shkurtit në Turqi dhe Siri.
Presidentja e Kosovës ka shpallur të mërkurën ditë-zie në Kosovë.
