Nga tërë kabineti qeveritar, prezent qenë vetëm tre ministra.
Andaj edhe pika ku duhet shqyrtuar byroja për konfiskimin e pasurisë së pajustifikueshme, s’ka qysh të nis pa Ministren e Drejtësisë
Kësisoj, deputetët priten për disa minuta derisa ministrja Donika Gërvalla erdhi në sallën plenare.
Andaj edhe menjëherë, doli ta arsyetojë projektligjin që në Kuvend erdhi në lexim të parë.
Por pa vërejtje nuk kaloi.
Përkrahje ofruan edhe nga AAK, ani se kërkuan kohë që miratimi të mos bëhet me nxitim.
Kësisoj Kuvendi me 81 vota pro, miratoi në parim projektligjin për byronë për konfiskimin e pasurisë së pajustifikueshme.
Kështu radha i erdhi shqyrtimt të vendimit të Qeverisë, që një kontingjent i FSK-së të dërgohet me mision në Gaza.
Në parim, ky vendim mori përkrahje edhe nga partitë opozitare, ani se pati diskutime nëse duhet bërë pa miratuar marrëveshjen për bordin e paqes.
Megjithatë pavarësisht kërkesave, deputetët e pozitës dhe opozitës me 89 vota pro e asnjë kundër, votuan pro dërgimit të FSK-së në Gaza.
