Pavarësisht diskutimeve, partia në pushtet po vlerëson se ky nuk është kusht, pasi bëhet për të gjitha vendet në zonën “Shengen”.
Por ndryshe mendojnë njohësit e rrethanave politike.
Tomorr Avdia thotë se kriteri francez për liberalizim të vizave ka të bëjë direkt me procesin e dialogut me Serbinë. Madje, shkon edhe më tej, thotë që s’ka viza për këtë vit.
Të premten, një ditë pas kushtit të ri, ka folur edhe presidentja Vjosa Osmani, e cila në takim me ambasadorët e Francës, Holandës, Belgjikës e Austrisë, vlerësoi se sistemi ETIAS-it nuk duhet të përdorët si shkak për mosliberalizimin e vizave.
E qytetarët janë të ndarë në këtë pjesë.
Dikush i lë faj Evropës, e dikush tjetër kërkon që liberalizimi të mos ndodhë.
E ky kusht i ri, u quajt i padrejtë edhe nga Qeveria, e me të cilin qëndrim, si rrallëherë u pajtuan edhe partitë opozitare.
Kronika e gazetarit Arton Rama.