Deputetja e LVV-së, Mimoza Kusari- Lila ka thënë se ballafaqimet më të rënda si dhe sulmet më fyese i ka pasur nga Partia Demokratike e Kosovës.
Në emisionin “Mesditë” në Tëvë1, Kusari-Lila tha se në politikë, kritikat duhet të mbahen në nivel të parimit, jo në personale.
Sa i përket një koalicioni mes LVV dhe partitve të tjera opozitare, deputetja e sheh si një proces larg të rikonfirmimit.
Derisa, ajo shtoi se për të dalë nga ky ngërç politik Kosova, sipas saj, zgjidhja më e mirë është që vendi të shkon në zgjedhje.
“Asnjëherë nuk i kemi ikur votimit, sikurse opozita, asnjëherë nuk i kemi ikur përgjegjësisë si dhe disa radhazi është provuar të gjendet një zgjidhje dhe të provohej edhe të kërkohej marrëveshje politike për konstituim të Kuvendit dhe për qeverisje. Sa i përket PDK-së, ballafaqimet më të rënda në Kuvend ose sulmet më fyese dhe ofenduese i kam pasur prej PDK-së, do të thotë për mua ka qenë e natyrshme. Ne në politikë nëse një gjë duhet ta ruajmë është ta ruajmë e para humanitetit ndaj njëri-tjetrit, t’i respektojmë dallimet politike dhe natyrisht kritikën ta mbajmë në nivel të parimit jo në personale. Çështjen e koalicioneve tash po e shoh si një process i cili është largë nga rikonfirmimi, besoj që më e mira e mundshme është të shkohet në zgjedhje”, ka deklaruar Kusari – Lila./teve1.info/
