Kryeministri Albin Kurti ka vizituar vendkalimin kufitar të Kapisë mes komunës së Kamenicës dhe asaj të Medvegjës në Serbi.
Kurti ka shkruar se ndonëse gurthemeli i vendkalimit kufitar u vendos 7 vite më herët, Serbia refuzon të ndërtojë kabinën për kalim zyrtar të qytetarëve.
“Në anën tjetër të kufirit, Serbia refuzon ta ndërtojë kabinën e ngjashme policore për kalim zyrtar të qytetarëve. Në mes të rrugës ata kanë vendosur barrikadë me cunga. E, në të dy anët e kufirit është fshati i njëjtë Svircë. Ky kufi pa vendkalim i ndanë edhe anëtarët e të njëjtave familje që detyrohen të udhëtojnë mbi 15 km larg në Mutivodë për të kaluar në anën tjetër”, ka shkruar Kurti.
“Kapia do zbatim, porta duhet të hapet”, ka shkruar ai.
