Kryeministri në detyrë i Kosovës, Albin Kurti ka thënë se sektori i teknologjisë është sektori me rritjen më të shpejtë në ekonominë e vendit.
Ai ka thënë se në katër vitet e fundit rritja e eksportit në këtë sektor është 386%.
Kurti ka thënë se ky sektor ka potencialin për t’u shndërruar në motor kyç të rritjes së mëtutjeshme.
“Sektori i TIK-ut, së bashku me shërbimet profesionale dhe mbështetëse, kontribuon me 6% në Bruto Produktin Vendor të vendit. Hulumtimet në vazhdimësi tregojnë se punësimi në teknologji ka efekt multiplikues, duke nxitur krijimin e vendeve të reja të punës edhe në sektorë të tjerë të ekonomisë. Andaj, mbështetja ndaj këtij sektori mbetet prioritet i qartë i Qeverisë sonë edhe në mandatin e ardhshëm, veçanërisht përmes Fondit të Inovacionit, si dhe Kullës TIK (ICT Tower)”, ka shkruar Kurti në Facebook, ku ka njoftuar se ka vizituar Qendrën e Inovacionit në Kosovë (ICK)
