Ka përfunduar protesta gati dyorëshe e qytetarëve serbë afër Jarinjës. Protestuesit u shpërndanë të qetë dhe nuk u raportua për ndonjë incident, ndërsa qarkullimi i automjeteve në këtë pikë kalimi ka nisur normalisht pas bllokadës.
Protesta është organizuar nga subjekti opozitar në Serbi, Partia e Re Demokratike.
Siç raportoi RTK, në protestë mori pjesë një numër i vogël protestuesish.
Kjo protestë nga serbët është thirrur si formë kundërshtimi ndaj vendimit të Kosovës për të nisur zbatimin e dy ligjeve, atij për të Huajt dhe atij për Automjete.
Ndërkohë, sot është arritur pajtueshmëri që zbatimi i Ligjit për të Huajt dhe i atij për Automjete të fillojë me disa masa shtesë, për çka qëndroi në Kosovë emisari special i BE-së për dialogun Kosovë-Serbi, Peter Sorensen.
Për shkak të protestës në Serbi bllokohet qarkullimi i veturave në Jarinjë
