Kryeministri i Shqipërisë, Edi Rama mirëpriti koordinimin midis Kosovës dhe BE-së për Ligjin për të Huajt.
Rama ka deklaruar se shpërbërja e strukturave paralele në Kosovë është një punë e vështirë, por theksoi se BE-ja duhet të tregojë guxim dhe të heqë masat ndëshkuese ndaj Kosovës.
Rama ka bërë apel për një avancim të mëtejshëm të Kosovës në procesin e anëtarësimit në BE, duke shtuar se një Ballkan Perëndimor plotësisht i integruar në Bashkimin Evropian nuk është “bamirësi”, por është fitorja strategjike për vetë Evropën.
“Ne mirëpresim koordinimin midis Kosovës dhe BE-së për Ligjin për të Huajt. Shpërbërja e strukturave paralele është punë e vështirë. BE-ja duhet të tregojë të njëjtën guxim dhe të heqë masat ndëshkuese, të ecë përpara me aplikimin e Kosovës për anëtarësim. Një Ballkan Perëndimor plotësisht brenda BE-së nuk është bamirësi. Është fitorja strategjike e vetë Evropës”, ka shkruar Rama në X.
