Kryeministri, Albin Kurti, ka njoftuar se në fshatin Shushicë të Graçanicës, kanë shtruar rrugën “Bajrush Kelmendi”, pas 50 viteve pa të.
Njëherit, Kurti ka bërë të ditur se kanë bërë edhe asfaltimin e rrugës kryesore në Lagjen e Romëve.
“Rrugët në Graçanicë. Është shtruar rruga “Bajrush Kelmendi”, “Hasan Prishtina” dhe “Jashar Krasniqi” në fshatin Shushicë të Graçanicës. Rruga “Bajrush Kelmendi” është e gjatë 1 km. Pas 50 viteve pa rrugë, familjet që jetojnë aty mund ta gëzojnë tash këtë nevojë bazike. Kurse rruga kryesore ‘’Hasan Prishtina’’ çon deri te Kisha Ortodokse. Gjithashtu kemi bërë asfaltimin e rrugës kryesore edhe në Lagjen e Romëve”, ka shkruar Kurti në Facebook.
Më tej, i pari i vendit ka theksuar që këtë vit Ministria e Mjedisit, Planifikimit Hapësinor dhe Infrastrukturës, do të bëjë investime shtesë në komunën e Graçanicës.
“Në Kishnicë e kemi riasfaltuar rrugën kryesore ‘’Ibrahim Rugova’’, ku kemi rregulluar edhe trotuarin si dhe kemi krijuar parkingje të reja. Qeveria për Komunën”, ka shtuar tutje Kurti./teve1.info/.
