Ai theksoi se në këtë takim bashkëbisedimi ka qenë i hapur, teksa përveç zhvillimeve në veri, kanë diskutuar edhe për procesin e dialogut, përcjell teve1.info
“Është në dorën e tyre të vijnë ose jo, por nuk është e vërtet që në këtë takim ka qenë sikurse në takimet që zhvillohen publikisht e para mediave. Përkundrazi ka qenë bashkëbisedim i hapur dhe serioz. Kemi biseduar edhe për procesin e bisedimeve që po zhvillohet në Bruksel, për dialogun që do të jetë gjitthmonë parimor e simetrik, dhe gjithashtu edhe për idetë, opsionet, modelet, me të cilën testohen palët, por në të njëjtën kohë përpiqen faktorët ndërkombëtar që të arrijnë deri te marrëveshja finale e cila duhet të jetë për normalizim të plotë e me njohje reciproke në qendër”, tha ai para mediave.
Pas takimit me Kurtin, kreu i LDK-së, Lumir Abdixhiku është shprehur se për pjesën më të madhe të takimit, nuk kanë kuptuar diçka të re se sa deklarimet publike që i ka pasur Kurti, si dhe nuk kanë parë ndonjë plan konkret për zgjidhjen e çështjes së re të krijuar në veri të vendit.
Kryeministri Kurti ka mbajtur sot një takim me kreun e PDK-së, Memli Krasniqi dhe atë të LDK-së, Lumir Abdixhiku. Pjesë e këtij takimi ishte edhe kryetari i AAK-së, Ramush Haradinaj, por që u largua në minutat e parë pasi hynë në objektin e Qeverisë. /Teve1.info/
https://teve1.info/lajmet/abdixhiku-qeveria-e-ka-mbeshtetjen-e-ldk-se-per-aq-kohe-sa-ka-koordinim-me-nderkombetaret/
