Kryeministri i Kosovës, Albin Kurti, në hapjen zyrtare të fushatës zgjedhore tha se qeverisja nën komandën e VV-së nuk do të gënjejë asnjëherë qytetarët, si dhe as s’do t’i zhgënjejë.
Kurti tha se kjo Qeveri, të drejtat do t’i garantojë e nevojat do t’i plotësojë.
“Energjitë e popullit tanë mbarë, potenciali i kësaj rinie duhen për ta zhvilluar e përparuar vendin tonë, e për ta rregulluar shtetin. Ne jemi garancia politike për këtë. Të jeni të sigurtë që Qeveria jonë nuk do të ju gënjejë asnjëherë dhe kurrë nuk do të ju zhgënjejë. Të drejtat i garantojmë, nevojat i plotësojmë”, tha Kurti.
“Prandaj, për rininë e keni punësimin, për gratë i kemi barazitë, për fëmijët i kemi shtesat për opozitë e kemi opozitën, për Serbinë e kemi Policinë, ushtrinë e dialogun, për pleqtë e kemi pensionin dhe për të gjithë e kemi shëndetësinë. Pra, secili në vend të vetin. E pas fitores më 9 shkurt me qeverisjen tonë të re e të mbarë, të mirë, të drejtë, të vërtetë – nivele të reja të papara të progresit ‘cep më cep’ gjithandej e anë e mbanë Republikës sonë”.
