Kryeministri i Kosovës, Albin Kurti ka pritur në takim mëngjesin e sotëm ekipe të misioneve vëzhguese të zgjedhjeve nga Bashkimi Evropian dhe Asambleja Parlamentare e Këshillit të Evropës.
Gjatë këtij takimi është diskutuar rreth procesit zgjedhor e zgjedhjeve të 9 shkurtit, si dhe rëndësinë e mbarëvajtjes së tyre.
Kurti theksoi se procesi duhet të jetë transparent e demokratik.
“U konstatua se Kosova ka arritur të realizojë shumicën e rekomandimeve të partnerëve tanë ndërkombëtarë në lidhje me procesin zgjedhor, gjersa vendi ynë vijon të jetë shtet i pluralizmit politik dhe i garës së hapur e të drejtë për të gjithë”, thuhet në komunikatën e Zyrës së Kryeministrit. Kryeministri Kurti i falënderoi ekipet e misioneve vëzhguese për takimin e bisedën e sotme si dhe angazhimin e tyre./teve1.info/
