Kryeministri i vendit, Albin Kurti, ka pritur në takim ambasadorë e zëvendësambasadorë të QUINT-it dhe përfaqësuesen e BE-së në Kosovë.
Përmes një komunikate për media, kanë bërë të ditur se gjatë takimit u diskutua për procesin e zbatimit të marrëveshjes me Serbinë, njëherit për planin e zbatimit të 18 marsit mes të dyja shteteve.
“Kryeministri i Republikës së Kosovës, Albin Kurti, bashkë me zëvendëskryeministrin e parë për Integrim Evropian, Zhvillim dhe Dialog, Besnik Bislimi, takoi ambasadorët dhe zëvendësambasadorët e vendeve të QUINT-it dhe përfaqësuesen e Zyrës së Bashkimit Evropian në Kosovë. Në takim u diskutua për procesin e zbatimit të Marrëveshjes Bazike me Serbinë dhe Planin e Zbatimit të adoptuar me 18 mars ndërmjet të dyja shteteve. Kryeministri Kurti dhe zv. Kryeministri Bislimi informuan përfaqësuesit diplomatikë mbi rezultatet e takimit të fundit në Bruksel me 4 prill, dhe pritjet e tij nga ky proces në javët dhe muajt në vazhdim”, thuhet në komunikatë, raporton teve1.info.
Zëvendësambasadorët e QUINT-it dhe përfaqësuesja e BE-së, kanë kërkuar që procesi i anëtarësimit të Kosovës në Këshillin e Evropës dhe pranimi i aplikimit në Bashkimin Evropian, të procedohen me shpejtësi./teve1.info/.
