Kryeministri, Albin Kurti, ka pritur në takim, presidentin e Këshillit Amerikan, David Patton dhe zëvendëspresidentin për zhvillim strategjik, Michael Kurtis.
Këta të fundit, kanë falënderuar Qeverinë Kurti për bashkëpunim, duke e cilësuar si një investim të vlefshëm për të ardhmen e Kosovës, përmes edukimit të të rinjve në universitetet e ShBA-së.
“Kryeministri i Republikës së Kosovës, Albin Kurti bashkë me shefin e stafit, Luan Dalipin, pritën në takim David Patton, president i Këshillit Amerikan dhe Michael Kurtis, zëvendës president për zhvillim strategjik. Z. Patton dhe z. Kurtis shprehën falënderimin e tyre për bashkëpunimin dhe mbështetjen nga Qeveria e Kosovës duke e cilësuar si një investim jashtëzakonisht të vlefshëm për të ardhmen e Republikës së Kosovës përmes edukimit të të rinjve në top universitetet të ShBA-ve. Të pranishmit e vlerësuan lart bashkëpunimin mes programit KAEF dhe Qeverisë në fusha të ndryshme”, thuhet në komunikatë.
Kryeministri Kurti, ka ritheksuar zotimin e Qeverisë për t’ju hapur rrugë të rinjve për një edukim më cilësor dhe qasje në tregun e punës, përcjell teve1.info.
“Këshilli Amerikan ka administruar dhe mbështetur bursa ndërkombëtare për qindra edukatorë dhe profesionistë të fushave të ndryshme, si dhe studentë dhe nxënës të shkollave të mesme”, thuhet tutje në komunikatë./teve1.info/.
