Përmes një postimi në Twitter, Kurti ka thënë se Abe ishte një mik i mrekullueshëm i Kosovës, shkruan teve1.info
“Jemi të pikëlluar dhe të tronditur nga vrasja e ish-kryeministrit Shinzo Abe. Kryeministri Abe ishte një lider i shquar i Japonisë dhe mik i mrekullueshëm i Kosovës. Qeveria e Republikës së Kosovës dhe populli ynë po luten për familjen e kryeministrit Abe, miqtë e tij dhe popullin e Japonisë”, ka shkruar Kurti.
Ish-kryeministri japonez Shinzo Abe ka vdekur pasi u qëllua me armë zjarri gjatë një fjalimi në qytetin perëndimor të Nara.
67-vjeçari pësoi plagë në anën e djathtë të qafës dhe në klavikulën e majtë. /Teve1.info/
