Kryeministri i vendit, Albin Kurti, ka vizituar Bashkësinë Islame për festën e Kurban Bajramit.
Kurti tha se të mirat duke i ndarë, shtohen e nuk zvogëlohen, teksa shtoi se të mirat duke i ndarë, bëhen të mira për shumicën e për të gjithë.
“Të mirat duke i ndarë, bëhen të mira për më shumë vetë, bëhen të mira për shumicën, bëhen të mira për të gjithë. Andaj edhe mirëqenien duhet ta ndajmë, e sakrifica ia vlen. E nuk ka ditë më të përshtatshme për ta kujtuar këtë dhe për ta kontrektizuar, sesa festa e Kurban Bajramit”, tha Kurti
Kreu i qeverisë e njoftoi myftiun Naim Tërnava se pasditen e sotme për festën e Kurban Bajramit do t’i vizitojë të tre policët e liruar nga Serbia të cilët u kidnapuan gjatë këtij muaji.
Kurti ka falënderuar gjithashtu myftiun Naim Tërnava dhe Bashkësinë Islame për rolin që ka luajtur në vazhdimësi./teve1.info/
