Zyra e Kryeministrit ka njoftuar se gjatë takimit, Kurti e ka vlerësuar Turqinë si partner, mik dhe aleat të madh të Kosovës.
Sipas njoftimit, kryediplomati turk ka theksuar mbështetjen e Turqisë për sovranitetin territorial dhe anëtarësimin e Kosovës në organizata ndërkombëtare.
“Ministri Çavuşoğlu theksoi mbështetjen e Republikës së Turqisë për pavarësinë, sovranitetin dhe integritetin territorial të Republikës së Kosovës, sikurse edhe për anëtarësimin në organizata ndërkombëtare. Ai tha se Turqia e mbështet anëtarësimin e vendit tonë në Këshillin e Evropës dhe se Kosova është vend partner i NATO-s. Po ashtu, theksoi se Republika e Turqisë e ka shumë të rëndësishme paqen dhe stabilitetin dhe se nuk do të lejojë që rajoni i Ballkanit të kthehet në vitet e errëta të ’90-ta”, thuhet ndër tjerash në njoftim./teve1.info/
