Kryeministri i Kosovës, Albin Kurti sot pret në takim të dërguarin e posaçëm të Bashkimit Evropian për dialogun Kosovë – Serbi, Miroslav Lajçak.
Sipas njoftimit të Qeverisë, Kurti pret Lajçakun në orën 16:00 në ndërtesën e Qeverisë.
Paraprakisht, Lajçak pritet ta takoj presidenten e vendit, Vjosa Osmani.
Sipas njoftimit të Presidencës së Kosovës, takimi në mes të Osmanit dhe Lajçak do të zhvillohet në orën 14:10, në kabinetin e Presidentes.
Përfaqësuesi i Posaçëm i Bashkimit Evropian për Dialogun Kosovë – Serbi, Miroslav Lajçak të enjten dhe të premten do të qëndrojë për vizitë zyrtare në Prishtinë, ku më pas do ta vizitojë edhe Beogradin.
Bëhet e ditur se vizita e tij ka të bëjë me vazhdimin e diskutimeve për takimin e nivelit të lartë të 27 shkurtit në Bruksel dhe përgatitje për mbajtjen e takimit tjetër, më 18 mars në Ohër të Maqedonisë së Veriut. /Teve1.info/
