Gjatë ditës së sotme pritet të mbajë mot i ndryshueshëm, me vranësira dhe intervale me diell. Në orët e para të ditës dhe gjatë mëngjesit do të ketë reshje lokale shiu, të cilat në disa momente mund të jenë në formë rrebeshesh.
Reshje të herëpashershme priten edhe gjatë ditës, veçanërisht në Rrafshin e Dukagjinit.
Era do të fryjë nga drejtimi i jugut dhe juglindjes, lokalisht e fortë, me mundësi për intensifikim deri në stuhi në disa zona. Shpejtësia e saj pritet të jetë nga 20 deri në 62 km/h.
Temperaturat minimale do të lëvizin nga 8 deri në 13°C, ndërsa maksimalet nga 16 deri në 19°C.







