Kandidati i Lëvizjes Vetëvendosje për kryeministër, Albin Kurti, ka theksuar se edhe në zgjedhjet e ardhshme partner i koalicionit mbetet partia Guxo.
Përmes një postimi në Facebook, ai ka folur për aktivitetet e fundit të fushatës zgjedhore, duke vënë në pah bashkëpunimin ndërmjet dy subjekteve politike dhe synimet që i kanë vendosur për mandatin e ardhshëm qeverisës.
Sipas Kurtit, koalicioni synon të vazhdojë angazhimin për forcimin e institucioneve, zhvillimin ekonomik dhe përmirësimin e infrastrukturës në vend.
“Jemi bashkë për shtet për krejt, për të luftuar padrejtësitë dhe korrupsionin, rritur ekonominë, shtuar punësimin dhe investuar për më shumë rrugë, hekurudha e diga. Këtë të diel, krejt për fitoren e radhës, me rekord të ri, e vendimtare për të ardhmen e vendit”, ka shkruar Kurti./teve1.info/
