“Do të jem kryeministër i të gjithë juve, pa dallim a pajtohemi politikisht apo jo. Sidomos kur nuk pajtohemi. Ne mund të kemi qëndrime e mendime të ndryshme, por ndajmë ëndrra të përbashkëta”.
Këto fjalë të thëna më 3 shkurt të vitit 2020, sipas përfaqësuesve të komunave, nuk po i mban kryeministri i vendit, Albin Kurti.
Zotimi i tij se do të jetë kryeministër i të gjithëve, pavarësisht dallimeve politike, sipas tyre, nuk po tregohet në praktikë.
I pari i Asociacionit të Komunave të Kosovës, Sazan Ibrahimi, thotë se shefi i qeverisë është selektiv.
Madje vizitat e ditëve të fundit në Prizren dhe Mitrovicë të Jugut, dhe injorimi që ua bëri krerëve të këtyre dy komunave, për Ibrahimin është tregues i qartë.
Por, kjo gjë nuk i bënë shumë përshtypje të parit të Skenderajt. Ai ka një shpjegim se pse po ndodhë një gjë e tillë.
E njohësi i çështjeve ekonomike, Lavdim Hamidi, vlerëson se mbi baza partiake, qeveria po bën edhe në ndarje të projekteve.
Tëvë1 ka tentuar të flas me kreun e Mitrovicës së Jugut, por i njëjti gjatë gjithë ditës nuk ka kthyer përgjigje.
Njësoj kanë vepruar edhe nga kabineti i kryeministrit Kurti, kur janë pyetur në lidhje me qasjen e shefit të Qeverisë ndaj komunave që drejtohen nga zyrtarë të partive opozitare.
Kronikë e realizuar nga gazetari Arton Rama.
