Në një konferencë për media, Kurti theksoi se ky raport e përgëzon Kosovën për stabilitetin dhe qëndrueshmërinë politike, shkruan teve1.info
Kreu i Ekzekutivit potencoi se këtë vit janë ndërmarrë reforma që kanë qenë rekomandime të BE-së, të cilat siç tha ai, janë injoruar nga Qeveritë e kaluara.
“Raporti e përgëzon Kosovën për stabilitetin dhe qëndrueshmërinë politike. Stabiliteti është parakusht për reforma afatgjatë, prandaj edhe këtë vit janë ndërmarrë reforma që kanë qenë rekomandime të Bashkimit Evropian për një kohë të gjatë, e të cilat u injoruan nga Qeveritë e kaluara. Si përshembull terminalet doganore private nuk janë në harmoni me marrëveshjen e stabilizim-asocimit. Vjet e hapëm terminalin në Mitrovicë, atë të Podujevës e kthyem në shtetëror, njësoj do të vazhdojmë me hapjen e terminalit doganor shtetëror në Vërmicë”, shtoi ai.
Tutje, Kurti shtoi se lufta kundër korrupsionit e krimit dhe qeverisja e mirë pa skandale, janë ato që e kanë ngritur Kosovën nëpër raporte.
Ai theksoi se nga janari deri në gusht, në Kosovë janë 15 mijë vende pune më shumë. /Teve1.info/
