Sipas tij, nuk mjafton “perspektiva në BE”.
Kurti po ashtu përgëzoi BE-në që në Samitin e Tiranës rikonfirmoi angazhimin e saj për anëtarësimin e Ballkanit Perëndimor, raporton teve1.info
“Kemi nevojë për proces të përshpejtuar për anëtarësim në BE, nuk mjafton ‘perspektiva në BE’. Është e vështirë të mobilizohen njerëzit nëse nuk ka afate të qarta kohore drejt anëtarësimit”, deklaroi Kurti.
Tutje kryeministri Kurti theksoi se duhet të ketë më shumë ambicie për anëtarësim në BE.
“Tani është koha për të përshpejtuar procesin e zgjerimit, me më shumë iniciativa dhe investime në rajon që përfitojnë njerëzit”, ka thënë ai.
E sa i përket aplikimit në Bashkimin Evropian, Kurti ka thënë se Kosova do të aplikojë në BE para Krishtlindjeve.
“Po ashtu, dua të ju informoj se këtë muaj, para Krishtlindjeve, Kosova do të aplikojë për anëtarësim në BE”, tha ai para socialdemokratëve evropianë.
Tutje Kurti foli edhe për edhe për neutralitetin ndaj agresionit rus.
“Ne duhet të refuzojmë neutralitetin kur është fjala për agresionin rus në Ukrainë. Neutraliteti është cinizëm. Ata që janë neutral, janë cinikë”, deklaroi Kurti./teve1.info
